My Lasting Minutes

Heer

Intrinsiek krimp ek voor U
in morifikasie
vir die patinum kuras
oor my hart se depot
van paganisme en baatsug
telkens 'n konfoor
smeulend in smagting
na grandiose blydskap
en liefde in die grou
doolhof van my bestaan
my parysblou kykers dryf
opaal in 'n jammerpoel
Ek is nog 'n neofiet
in die alfa van geloof
mondig in my eerste sodiak
pueriel in volwassenheid
kinds in my silwer jare
Maar ek sal aanhou bid
dat ek in my nuwe begin
oor eensaamheid besin
en Elisiese psalters 
tot lof vir U sal sing
Ek sal 'n hostie
deur my purper lippe
oor my tong laat gly
en poog om vir ewig
gewyd en nederig
in die apoteose 
van 'n gesprek
met U te bly

Amen

© Roxy Van Zyl - 26/11/2024