My Lasting Minutes

As ek jou liefkry
hoef die sterre 
nie te skyn nie
daar hoef nie brood 
in die broodblik 
te wees nie
en loadshedding 
is 'n breeze
as ek jou liefkry
kan die see 
maar tsunami
en kan die maan 
in die middel
van die dag
die son uitdoof
hoef ek nooit weer
Tafelberg te sien nie
kan die verkeer 
maar hectic wees
as ek jou liefkry
kan die dag 
doodgewoon
sy eie gang gaan
want dan is jy tog:
my sterre, 
son en maan
my brood 
en my lig
my veilige berg
my heerlike reis
as ek jou liefkry
span dit 
soos 'n reënboog
bo-oor als

© Vanessa Myburgh